| 我深信智力同才能係會隨年齡既增加而成長既
又或者話 有 d 能力會係人唔同既年紀先出現
(當然亦有人永遠都唔俱備某一 d 能力)
例如 年紀去到某一定大先會有政治家既魅力
好似總統通常都係最後生都三四十歲
所以大家作為一個剛畢業或者畢業數年既同學
就算搵唔到一份好工都唔洗咁灰
可能係我容易受人影響 呢排成日都同蘇恩講負面既野令到自己都有左負面既情緒
其實大部份時間我都係好樂觀 盼望可見既將來自己得賞成功既果實 踏上中產之路
大家唔洗擔心我 多謝 joe joe 既問候！
其實太過進取拼博有時可能身心俱疲但係都事倍功半
倒不如盡左力之後 等命運帶領自己去到生命既歸宿
生活其實都只係為左生活 與其活係 愁苦 賺錢 拼博 不眠不休 既生活
倒不如休養生息 多 d 陪下身邊既人同欣賞下生命既樂趣仲好…
有如農夫下種種田 收成好壞就只可以睇下上天點安排
去博 去拼 就好似 猛加肥料 細心除草 可能係幫到 一點點忙 短期收成好過其他人
長期而言都係要睇溫度 日照 雨量 蟲害 等等未知既因素
此即 謀事在人 成事在天也
翻生侏羅館第一集想帶出既信息也是差不多
有 d 人做 偉大既事 有 d 人把事情做得偉大
例如 羅斯福 但係命運安排 主角要無工做 最後要做文物館看更
但係佢要將平平無奇既工作做得偉大 一樣得到佢個仔既讚賞
ps 公司加國回港暑期實習生確診 甲型流感 佢坐我隔離再隔離
好彩我唔同女仔傾愒 所以都無受感染 不過蘇恩就慘 d 教左佢成個星期佢先病
不過蘇恩咁壯 應該都無事既 依家日日返工都要帶口罩隻耳好痛
|
| |
| 做埋呢個月，總共返左工兩年啦…
回望一下真係要驚嘆光陰似箭，好似尋日自己先係啱啱開始返工，其實話咁快就兩年…
兩年前既我同依家無論係身型上同心態上都變左好多…
依家無人會再當我係細路，只會當我係大人…係成年人…
以前覺得返工應該要無一刻偷懶，做每一個 task 都要盡全力，
要夠快 要有效率 要升職 要加薪 要向上爬 出人頭地
依家時時都偷懶 落樓買下午茶…做野又拖慢左…
一方面 基本上 超時工作之後每日先會有正常既薪水，
第二方面 做得快只會有更多野做 做錯野又要寫 reports 又會俾人睇唔起…
做金融業又遇上海嘯 無薪加 搞到好似有工做都已經係上天既恩賜…
而且我由加國回港既暑期實習生身上睇到 作為一個土產大學生係呢間行真係難言大展拳腳…
不過我相信呢 d 都只係過程唔係我既結局…
我既遠大前程就要寄望下一份工啦…
到底有冇一份工係除左出糧個一刻都會時時俾到我滿足感既呢？
或者應該問 到底有冇人真係搵到一份自己好鍾意又好有成功感既工呢？
Begin with the end in mind:
我最想要一份工可以俾到我穩定既收入 而且隨年資既增加 會有持續穩定既增長
想要一份工可以俾多 d 私人時間俾我照顧下屋企人
想要一份工唔係人人都做到 要有 d 專業知識先做到 有一定既入行門檻
想要一個自己都認為係正直既大僱主
努力！！加油！！
唔想自己由一個有活力既年輕小伙子變成一個潦倒既老油條
"Change" Yes I can!
除左會計個 course 之外我下一步應該會好似 Eddie So咁讀埋個 Master
同係下年考CFA level one 似乎要衝要拼就係得呢幾年 |
| |
| 買左 陳衡哲寫既 西洋史 陳為1914 年考取第一批清華庚款留美女生。
本書都幾多插圖，對複雜既地方有簡單既交代，不失為一本很易明白既好書。
|
| |
| 
圖中為一條孔雀魚 bb
我屋企條魚生左三條魚仔呀！
|
| |
